ဒီမိုကရေစီ နှင်. ခရစ်ယာန်ကျင်.ဝတ်

ရှင်ပေါလု၏ အရေးအသားများ၌တွေ့ရှိရသော

ခရစ်တော်ဗေဒဆိုင်ရာ ဖော်ပြချက်များ (Pauline Christology)

ဆရာသက်မောင်ဦး

သခင်ယေရှုကိုခရစ်တော်ဘုရားဖြစ်တော်မှုခြင်းအသုံးအနှုန်းများ (Christological vocabulary) ကိုယုံကြည်သူများအားဖေါ်ပြရာ၌ရှင်ပေါလု၏အရေးအသားများမတိုင်မီကပင်တွေ့ရှိနိုင်သည်။ ရှင်ပေါလု ကဤအသုံးမနှုန်းများကိုယေဘုယျအားဖြင့် ယုံကြည်သူစာဖတ်ပရိတ်သတ်များ နားလည်သဘောပေါက်နိုင် ရန်အတွက်သုံးနှုန်းဖေါ်ပြထားခြင်းဖြစ်သည်။ ထို့အတူရှင်ပေါလု၏စာစောင်များ၌ သခင်ယေရှုအားဖေါ်ပြ ထားသောအသုံးအနှုန်းများသည် သူ၏စာပေရေးသားခြင်းဆိုင်ရာထူးချွန်မှုကိုလည်းဖေါ်ပြနေပါသည်။ သခင် ယေရှုအား ဘုရားဖြစ်တော်မှုခြင်း ဆိုင်ရာတင်ပြခြင်းအသုံးအနှုန်းများကို လေ့လာရခြင်းဖြင့်ကနဦးအသင်း တော်တွင်းရှိဓမ္မအတွေးအခေါ် တိုးတက်လာခြင်းနှင့်စာစောင်များကိုမရေးသားမီရှင်ပေါလု၏သခင်ယေရှုအ ပေါ် ထင်မြင်ခြင်းကိုလည်းလေ့လာတွေ့ရှိနိုင်ပါသည်။

          ရှင်ပေါလုသည် ရှင်ပြန်ထမြောက်တော်မှုသောခရစ်တော်ကိုဒမသက်မြို့သို့သွားသောလမ်းပေါ်၌ တွေ့ကြုံခဲ့ရသည်။ ဤအတွေ့အကြုံအားဖြင့် သခင်ယေရှုကိုနားလည်ခြင်းပြောင်းလဲခဲ့ရပါသည်။ သူ၏ ပြောင်းလဲခြင်းမှ သူသည်သခင်ယေရှုအားဣသရေလတို့၏ စစ်မှန်သောကယ်တင်ရှင်အဖြစ်လက်ခံခဲ့ပါ သည်။ ကားတိုင်၌အသေခံတော်မှုသော သူသည် ယခုရှင်ပြန်ထမြောက်ပြီဖြစ်ကြောင်း ယုံကြည်ခဲ့သည်။ သခင်ယေရှု၏ဂုဏ်တော် အတွက် သူသည်အဓိကကြိုးစားအားထုပ်လုပ်ဆောင်ရမည့်အလုပ်ဖြစ်ကြောင်း (ကော ၁) ၌ဖော်ပြခဲ့ပါသည်။ ရှင်ပေါလုသည်အဓိကအားဖြင့်ခရစ်တော်ဗေဒ (Christology) ကိုကယ်တင် ခြင်းဆိုင်ရာဗေဒ (Soteriology) မှ ကင်းကွာကာဖော်ပြခြင်းမရှိခဲ့ပေ။

(၁) လူသားအသွင်ရှိသောမှုသောသခင်ယေရှုခရစ်တော် (Humanity of Jesus Christ)

          ရှင်ပေါလုကသခင်ယေရှုသည်ယနေ့တိုင်လူသားအသွင်ဇာတိဖြင့်ရှိနေကြောင်းတင်ပြသည်။ သခင် ယေရှုကိုဖေါ်ပြရာ၌ လူသားအသွင်ဖြင့်တင်ပြရန် ရှင်ပေါလုသည် လူသားသဘောဆန်သောဝေါဟာရများ (anthropological terms) မျာကိုလည်းကောင်း၊ ကယ်တင်ခြင်းနှင့် သမိုင်းဆိုင်ရာနောက်ခံသဘောများကို သုံးစွဲဖော်ပြခဲ့သည်။ (ရောမ ၅း၁၅) နှင့်(၁ကော ၁၅း၂၁) တို့၌ ယေရှုခရစ်တော်အားလူသား (Anthropos/ man) အဖြင့်ပထမဆုံးလူသားအာဒံနှင့်ယှဉ်၍ဖော်ပြခဲ့သည်။ ရှင်ပေါလုကသခင်ယေရှုနှင့်အာဒံအား ကောင်း ကင်မှလူသား (man from heaven) နှင့်လောကမှလူသား (man from earth) (၁ကော ၁၅း၄၇-၄၈) အ ဖြင့်ကွဲပြားစွာဖော်ပြခဲ့သည်။ ထို့အတူ (၁တိ ၂း၅) ၌လည်းသခင်ယေရှုကို (anthropos/man) အထူးသဖြင့် ဘုရားသခင်နှင့်လူသားများကြား၌နေသော (သို့) ကြားဝင်ရပ်တည်ပေးသူ (mediator) အဖြင့်ဖော်ပြခဲ့ပါ သည်။ သခင်ယေရှုသည်ဘုရားသခင်၏သားတော်ဖြစ် “ အပြစ်မဲ့သော၊ အပြစ်ကင်းသောလူသားအသွင်” (in the likness of sinful flesh) အဖြင့်သုံးနှုန်းခဲ့ပါသည် (ရော ၈း၃)။ ထို့အတူရှင်ပေါလုသည်သခင်ယေရှု ၏ကိုယ်ခန္ဓာတော် (ရော ၇း၎) ၌ဖော်ပြခြင်းအားဖြင့် သခင်ယေရှု၏ရုပ်ပိုင်းဆိုင် ရာရပ်တည်ခြင်းသဘောကို ဖော်ပြခဲ့သည်။ ထို့အတူ (ဧဖက် ၂း၁၄-၁၅) ၌ “ကိုယ်ခန္ဓာတော်” ဆိုသောသဘောဖြင့် ယုဒနှင့်တပါးအမျိုး သားတို့ကြားရှိ ရန်ငြိုးဖွဲ့ခြင်းကိုဖြိုဖျက်ခြင်းဖြင့် သခင်ယေရှု၏ရပ်တည်မှုတို့အားဖြည့်ဖော်ပြထားပါသည်။ (ရော ၉း၅) ၌လည်း “ဇာတိအားဖြင့်” (according to the flesh) ဆိုသောဝေါဟာရဖြင့် သခင်ယေရှု၏ လူသားဇာတိကိုဖော်ပြခဲ့သည်။ (ဂလာ ၁း၁၉) ၌ သခင်ယေရှု၏ညီတော် ယာကုပ် (James) နှင့်ဆက်နွယ် ခြင်းဖြင့် သခင်ယေရှုသည်လူသားဇာတိရှိကြောင်း၊ လူသားသဘောရှိကြောင်းဆက်လက်တင်ပြခဲ့သည်။

(၂) ဖန်ဆင်းခြင်းကာလမတိုင်မီကပင် သခင်ယေရှုတည်ရှိခြင်း (Preexistance of Jesus Christ)

          ရှင်ပေါလုကသခင်ယေရှုသည်သာမန်တစ်ဦးထက်ပို၍ တည်ရှိနေခြင်းကိုဖော်ပြရာ၌ကနဦးကာလ၊ ဖန်ဆင်းခြင်းကာလမတိုင်မီကပင် သခင်ယေရှု၏တည်ရှိမှုကိုဖော်ပြထားပါသည်။ (ဂလာ ၄း၎) ၌ သားတော် ကိုဘုရားသခင်စေလွှတ်သောမူဟုဖော်ပြခဲ့ရာ၌ “စေလွှတ်” (send forth) သည်သခင်ယေရှုမှုလကပင် တည်ရှိနေခြင်း (Preexistence) ကိုရည်ညွှန်းပါသည်။ အဘယ်ကြောင့်ဆိုသော် မူလကပင်တည်ရှိနေသူ (သခင်ယေရှု) ကိုစေလွှတ်သူ (ဘုရားသခင်) က စေလွှတ်ကြောင်းဖော်ပြနေပါသည်။ ဤမူလကပင်တည်ရှိ နေသူသားတော်သည် လူသားပုံသဏ္ဍာန်တော်ကိုယူရန် လူဇာတိ (လူသားမိန်းမ၀မ်း၌ပဋိသန္ဓေယူကာ) ဖြစ် မွေဖွားခဲ့ပါသည်။ သခင်ယေရှု၏ကြိုတင်တည်ရှိခြင်း (Preexistence) ကိုဖော်ပြရာ၌ ဓမ္မသစ်ပညာရှင် Raymond E-Brown မှအောက်ပါအချက်များဖြင့်ထောက်ခံတင်ပြထားပါသည်။

(က) မောရှေနှင့်အာဗြံဟံတို့ကာလကတည်းကပင်တည်ရှိနေခြင်း

          အချို့သောသမ္မာကျမ်းဖော်ပြချက်များ၌ သခင်ယေရှုကိုဓမ္မဟောင်းကျမ်းဖြစ်စဉ်များ၌ယှဉ်၍တင်ပြ ချက်များကိုတွေ့ရှိရပါသည်။ (ယောဟန် ၃း၁၄) ၌မောရှေ၏တော၌ မြွေကိုမြှောက်သကဲ့သိုလူသားသည် မြှောက်ထားခြင်းခံရမည်၎င်း၊ (၁ကော ၁၀း၁-၄) ၌ဘိုးဘေးများသည်မောရှေနှင့် အတူ၎င်းတို့နောက်မှလူ များသည် ဓမ္မရေထွက်ရာကျောက်မှရေကိုသောက်ကြကြောင်း၊ ၎င်းကျောက်သည် ခရစ်တော်ဖြစ်ကြောင်း တင်ပြခဲ့သည်။ (မဿဲ ၁း၂) ၌ သခင်ယေရှု၏ဆွေတော်မျိုးတော်စာရင်း၌ အာဗြံဟံကိုတွေ့ရှိရသည်။ ထို့ပြင် (ယော ၈း၅၆) ၌ လည်းသခင်ယေရှု၏ကြွလာခြင်း၌ အာဗြံဟံ၏ဝမ်းမြောက်ခြင်းကိုဖော်ပြထားပါသည်။ ယုဒလူတို့၏ဆန့်ကြင်ခြင်းကိုသခင်ယေရှုတွေ့ကြုံရသောအခါ၊ သခင်ယေရှုက အာဗြံဟံမရှိမီကပင်သူ တည် ရှိကြောင်း (၈း၅၈) ၌ဖော်ပြခဲ့သည်။

(ခ) အာဒံနှင့်ယှဉ်တွဲဖော်ပြခြင်းဖြင့်အာဒံ၏ကာလကပင်တည်ရှိနေခြင်း

          ရှင်လုကာ၏ခရစ်ဝင်ကျမ်း၌သခင်ယေရှု၏ဆွေတော်မျိုးတော်စာရင်း၌ သခင်ယေရှုကိုဘုရားသခင် ၏သားအာဒံမှဆင်းသက်လာကြောင်း ( လုကာ ၃း၃၇) ၌ ဖော်ပြထားသည်။ ထို့အတူ (ရော ၅း၁၂-၁၇) ၌ လည်း သခင်ယေရှုနှင့်အာဒံကို ယှဉ်တွဲဖော်ပြထားပါသည်။ လူအာဒံအားဖြင့် လူအများသည်သေခြင်းသို့ ရောက်ကြပြီး၊ သခင်ယေရှုခရစ်အားဖြင့် ဘုရားသခင်၏ကျေးဇူးတော်ကြောင့် လူများသည်ကယ်တင်ခြင်းဆု ကိုခံရကြောင်းဖော်ပြပါသည်။

(၃) ရှင်ပေါလုအရေးအသားများထဲမှ သခင်ယေရှုခရစ်သည် ဘုရားဖြစ်ကြောင်းသက်သေခံဖော်ပြချက်များ

          အောက်ဖော်ပြပါအချက်များအားဖြင့်သခင်ယေရှု၏ဘုရားဖြစ်ခြင်းဂုဏ်တော်များကိုတွေ့ရှိရပါသည်။

(က) ဘုရားသခင်နှင့်အတူဖြစ်ခြင်း (equality with God)း ရှင်ပေါလုကသခင်ယေရှုခရစ်တော်သည် ဘုရားသခင်နှင့်တူညီသော ဂုဏ်တော်ရှိကြောင်း ဖော်ပြပါသည်။ ဂရိဘာသာစကားအားဖြင့် (to einaiisatheo) ဟုသုံးခဲ့ပြီးအဓိပ္ပါယ်မှာ ဘုရားသခင်နှင့်တူညီခြင်းရှိသော( to be equal with God) ဟုဖော် ပြခဲ့သည်။ (၂ကော ၄း၎)

(ခ) ဘုရားသခင်၏ပုံသဏ္ဍာန်တော်ဖြစ်ခြင်း (the image of God)း သခင်ယေရှုခရစ်တော်သည် မမြင်နိုင် သောဘုရားသခင်၏မျက်မြင်ပုံသဏ္ဍာန်ဖြစ်သည် (ကော ၁း၁၅)။ ရုပ်ပိုင်းဆိုင်ရာပုံသဏ္ဍာန်တော်(သို့) ပုံတူ ကူးချထားသကဲ့သို့ဖြစ်တော်မှုခြင်းရှိသောသဘောပင်ဖြစ်ပါသည် (ဖိ ၂း၆-၉)။

(ဂ) သခင်ဖြစ်တော်မှုခြင်း (Jesus is Lord)း (၂သက် ၂း၎) ၌ သခင်ယေရှုခရစ်၏ ဂုဏ်တော်ကိုဖော်ပြ ပြီးအရှင်သခင်ဖြစ်တော်မှုကြောင်းဖော်ပြပါသည်။ ငြိမ်းချမ်းခြင်းအရှင် ဆိုသောသဘောကိုလည်းတွေ့ ရှိရပါ သည်။

(ဃ) ကယ်တင်ရှင်ဖြစ်တော်မူခြင်း (Jesus Christ is Savior)း ၁တိနှင့်၂တိတို့၌ လူသားများကိုကယ်တင် သောကယ်တင်ပိုင်ရှင်အဖြစ်ဖော်ပြပါသည် (၁း၉-၁၀)။ ၁တိသည် အဓိကအားဖြင့်သခင်ယေရှု၏ဘုရားဖြစ် တော်မှုခြင်း (the divinity of Christ) ဘုရားသခင်စေလွှတ်တော်မှုသော ကျွန်ုပ်တို့၏ ကယ်တင်ပိုင်ရှင် သခင်ယေရှုသည် ကျွန်ုပ်တို့၏မျှော်လင့်ခြင်းကိုဖော်ပြပါသည်။ ၂တိ၌ သခင်ယေရှုနိုင်ငံတော်ကိုအုပ်စိုးမည့် အရှင်သခင်ဖြစ်ဖော်ပြပါသည်။

(င) အစေခံ (Servant)း ဖိလိပ္ပိသြ၀ါဒစာထဲ၌ သခင်ယေရှုသည်ဘုရားသခင်၏ ပုံသဏ္ဍာန်တော်ရှိသည် ဟုဖော်ပြရုံမျှမကအစေခံတစ်ဦး၏အသွင်မျိုးပါရှိသည် ဟုဖော်ပြပါသည်။ ထို့အတူ (ဖိ ၂း၉) ၌ သခင်ယေရှု သည်အခြားသောအမည်နာမများထက်ပို၍သာလွန်သောနာမတော်ရှိသူဟုဖော်ပြသည်။

(စ) ဖန်ဆင်းသမျှတို့ထဲ၌ ပထမဆုံးဖြစ်ခြင်း (Prộtotokos - First born of creation)း သခင်ယေရှုသည် ဖန်ဆင်ခြင်း၏အစိတ်အပိုင်းတစ်ခု (သို့) ဖန်ဆင်းခံတစ်ခုမဟုတ်ကြောင်းကို (ကော ၁း၁၆-၁၇) ၌ သူသည် အရာအားလုံးဖန်ဆင်းတော်မှုကြောင်းဖော်ပြခဲ့သည်။ အရာအားလုံးသည်သူ၌ဖန်ဆင်းခြင်း (သို့) တည်ရှိခြင်း ဆိုသောဝေါဟာရအသုံးအနှုန်းကိုမှုရင်းဂရိဘာသာစကား၌  sunestekenai ဟုအဓိပ္ပါယ်ရပါသည်။ ပထမ ဆုံးဖြစ်သောအရာအဖြင့် သခင်ယေရှုခရစ်ကိုတင်စားရာ၌ prototokosသည် “ဖန်ဆင်းခံသောအရာ” ဟု အဓိပ္ပါယ်မရပဲ၊ စကြာဝဠာကြီးထဲ၌ရှိသော ပထမဆုံးသောသူဟုသုံးနှုန်းဖော်ပြခြင်းဖြစ်သည်။

(ဆ) အမြင့်ဆုံသောအရာ (Archệ - Chief/beginning)း ၎င်းသည် (ကော ၁း၁၈) ၌ဖော်ပြသောအရာ ဖြစ် ၍အနက်အဓိပ္ပါယ်ဖွင့်ရန်ခက်ခဲလှပါသည်။ မူလအရင်း၊ ကနဦး (Beginning) ဟုအနက်အဓိပ္ပါယ်ရသကဲ့သို့၊ ဂရိဘာသဖြင့်  arche-chief ဟုလည်း အနက်အဓိပ္ပါယ်ပြန်ဆိုနိုင်ပါသည်။ (၁ကော ၁၅း၂၀၊ ၂၃) ၌ ခရစ်တော်ကို “ပထမဆုံးသောအသီးအနှံ” (aparchê - Frist fruits) အဖြစ်တင်ပြထားပါသည်။

(ဇ) ဘုရားဖြစ်တော်မှုခြင်း အပြည့်ရှိသောသဘော (Fullness of Deity)း (ကော ၁း၁၉) ဘုရားသခင်သည် သူ၏ ပြည့်ဝသော ဘုရားဖြစ်တော်မှုခြင်းကိုသခင်ယေရှုထံတော်၌ ရှိစေကြောင်းကိုတွေ့ရှိရပါသည်။ ဘုရား သခင်သည်သူ၏ဘုရားဖြစ်တော်မှုခြင်းဂုဏ်တော် (the fullness of deity) ကိုသခင်ယေရှုခရစ်၌အလုံးစုံ ပြည့် မှုရှိစေကြောင်းတွေ့ရှိရပါသည်။

(၄) ရှင်ပေါလု၏အရေးအသားများ၌ ဘုရားသခင်၏၀ိညာဉ်တော်နှင့်သခင်ယေရှု၏ ၀ိညာဉ်တော်ဟူသော အသုံးအနှုန်းသည်အပြန်အလှန်လဲလှယ်သုံးစွဲနိုင်ကြောင်းဖော်ပြခြင်း (Spirit of God interchargable with spirit of Christ)

ရှင်ပေါလု၏အရေးသားချက်များ၌ “ဘုရားသခင်၏၀ိညာဉ်တော်” ဆိုသောဝေါဟာရနှင့်တူညီစွာ သုံးစွဲသောအခြားအရာတစ်ခုမှာ “သခင်ယေရှု၏၀ိညာဉ်တော်” ဖြစ်ပါသည်။ (ရောမ ၈း၉-၁၁) “ဘုရားသခင် ၏၀ိညာဉ်တော် - the spirit of God ဟုသုံးစွဲခဲ့ပြီး (၈း၉(က))၊ နောက်ပိုင်း(၈း၉(ခ)) ၌ သခင်ယေရှုခရစ်၏ ၀ိညာဉ်တော်ဟုဆက်လက်ဖော်ပြပြန်သည်။ ဤနေရာ၌ဤအသုံးအနှုန်းနှစ်ရပ်စလုံးသည် ရှင်ပေါလုအတွက် တူညီသောဝေါဟာရတစ်ခုဖြစ်နိုင်ပါသည်။ ဘုရားသခင်နှင့်ယေရှုတို့ နှစ်ဦးစလုံးကို တူညီသောလုပ်ဆောင် ချက်၊ သဘောမျိုးဖြင့်ဖော်ပြထားခြင်းဖြစ်သည်။ ထို့အတူ (ဂလာ ၄း၆) ၌ “သားတော်၏၀ိညာဉ်တော်” ဟု ဖော်ပြခဲ့ပြီး (ဖိလိပ္ပိ ၁း၉) ၌လည်း “သခင်ယေရှုခရစ်တော်၏၀ိညာဉ်တော်” ဟုဆက်လက်ဖော်ပြခဲ့ပါသည်။ ရှင်ပေါလု၏နားလည်ခြင်း၌ ဤ၀ိညာဉ်တော်သည်တူညီသောသဘောမျိုးဖြင့်ယူဆကာ ဖော်ပြခဲ့ခြင်းမျိုးဖြစ် နိုင်သကဲ့သို့သူ၏စာဖတ်သူများကိုစိတ်ရှုပ်ထွေးမှုမဖြစ်စေလိုသောရည်ရွယ်ချက်မျိုးလည်းရှိစေနိုင်သည်။

နိဂုံး

          ရှင်ပေါလုက သခင်ယေရှုသည် မေရှိယကယ်တင်ရှင်ဖြစ်၍၎င်းနှင့်တူညီသော ဝေါဟာရမှာ ဘုရား သခင်၏သားတော်ဖြစ်ကြောင်းသူ၏ရေးသားချက်အချို့၌သုံးစွဲခဲ့သည်။ လူသားအသွင်ဖြင့်သူလက်ခံခဲ့သော် လည်းသခင်ယေရှု၏လူသားအသွင်၌အပြစ်ကင်းစင်ကြောင်းဖော်ပြခဲ့သည်။ ဘုရားသခင်နှင့်သားတော်ကြား စံပြုထိုက်သောမိတ်သဟာယဖွဲ့ခြင်းကို ရှင်ပေါလုတင်ပြခဲ့ပြီးဖန်ဆင်းခြင်းမတိုင်မီကပင် သခင်ယေရှုတည်ရှိ နေခြင်းကိုထောက်ပြခဲ့ပါသည်။ ထို့အတူဘုရားသခင်၏စစ်မှန်သောဘုရားဖြစ်ခြင်းသဘောသည်သခင်ယေရှု ထံတော်၌ရှိကြောင်းလည်းတင်ပြခဲ့ပါသည်။ ၎င်းပြင် ခမည်းတော်နှင့်သားတော်တို့၏ ၀ိညာဉ်တော်သည်တူ ညီမှုရှိသောသဘောကိုလည်းတင်ပြခဲ့သည်။ ရှင်ပေါလုသည် သခင်ယေရှုခရစ်တော်၏ စစ်မှန်သောဘုရား ဖြစ်ခြင်းကိုသူ၏အရေးအသားများ၌ကောင်းစွာတင်ပြခဲ့ပါသည်။

Ref;

1. Gordon D. Fee, “Pauline Christology An Exegetical Theological Study (Peabody, Mass: Hendrickson, 2007)
2. Oscan Cullmann, The Christology of the New Testament (London: SCM Press, 1995)
3. William Barclay, The Mind of Jesus (San Franciso: Harper Collins Publishers, 1961)
4. Raymond E. Brown, An Introduction to the New Testament (New York: Doubleday Dell Publishing, 1997)
5. ________________, An Introduction to New Testament Christology (New York; Paulisd Press, 1994)
6. Barry D. Smith, Pauline Christology

http://www.abu.nb.ca/courses/pauline/Jesus.htm,accessed date 23.11.2012